Igl è ina surpraisa: Sisum il pass dal Stelvio, sin 2'760 meters sur mar, sper hotels e stands da souvenirs, datti ina banca. Betg mo in bancomat, na: ina filiala da la Banca popolare di Sondrio. Ina filiala cun spurtegl, averta durant trais dis l'emna. Dante Alessi lavura dapi ils onns 80 en questa filiala. Pli baud hai dà blera lavur. Sin il Stelvio hai numnadamain gronds hotels ed in territori da skis per durant la stad. Durant ils onns 80 eran quels hotels plains durant la stad e la banca pudeva offrir ses servetschs per ils giasts e per ils hoteliers. Quella giada na devi anc betg tut las pussaivladads electronicas per pajar e dapli valutas differentas en Europa.
Ina filiala da prestige
Oz è quai auter: la filiala è oz ina filiala da prestige. La filiala na rendia betg pervia da transacziuns, ma i rendia dad avair questa filiala ha ditg Paolo Lorenzini, il responsabel da PR da la Banca popolare di Sondrio envers RTR. I saja ina onur dad avair la banca la pli auta da tut l'Europa sin il pass dal Stelvio sin 2'760 meters sur mar.
-
Bild 1 von 8Legenda: La banca la pli auta en Europa – sisum il pass dal Stelvio. RTR, David Spinnler
-
Bild 2 von 8Legenda: Il spurtegl da la banca sisum il Pass dal Stelvio. RTR, David Spinnler
-
Bild 3 von 8Legenda: La filiala da banca sisum il Stelvio: spazius! RTR, David Spinnler
-
Bild 4 von 8Legenda: Dante Alessi (san.) e Paolo Lorenzini da la Banca popolare di Sondrio sisum il Stelvio. RTR, David Spinnler
-
Bild 5 von 8Legenda: La banca la pli auta en Europa, sisum il pass dal Stelvio. RTR, David Spinnler
-
Bild 6 von 8Legenda: Sisum il pass dal Stelvio. RTR, David Spinnler
-
Bild 7 von 8Legenda: Atgnamain vegnan ils turists sin il Stelvio pervia da las radund 50 stortas a piz ch'il pass ha e betg per ir sin banca. RTR, David Spinnler
-
Bild 8 von 8Legenda: Sisum il Stelvio datti ina banca! RTR, David Spinnler
RR actualitad 08:00