Nossa reportra Prisca Bundi è bain ida savens sper il Gonzen or – dentant en el n'è ella anc mai stada. Nairas uras pia da midar quai.
L'istorgia dal Gonzen
Gia avant radund 2'000 onns han noss antenats scuvrì il crap cun en fier al Gonzen. Da quai temp han ils umans er cumenzà ad explotar il mineral da fier. Enturn l'onn 1300 hai dà en la regiun emprims implants per luentar il crap. Davent da quai temp èsi adina vegnì explotà material or dal Gonzen. Il 1919 è lura la «Eisenbergwerk Gonzen SA» vegnida fundada. Lura lavuravan tranter 150 e 180 persunas en il culm. Il 1942 eran quai 380 lavurers.
Il 1966 èsi stà finì cun explotar, ils pretschs mundials èn crudads ed i n'ha betg pli rendì dad explotar il mineral da fier. Or da quel han ins gudagnà hematit, magnetit e hausmannit. Dapi il 1983 pon ins grazia a la «Pro Gonzenbergwerk» ir a visitar almain ina part da la veglia miniera.
-
Bild 1 von 6Legenda: 90 km galarias sa zuppan en il Gonzen. RTR, Prisca Bundi -
Bild 2 von 6Legenda: L'access a la miniera dal Gonzen. RTR, Prisca Bundi
-
Bild 3 von 6Legenda: In dals tunnels en la miniera dal Gonzen. RTR, Prisca Bundi
-
Bild 4 von 6Legenda: La miniera dal Gonzen a Sargans. Keystone
-
Bild 5 von 6Legenda: A l'entrada vesan ins gia intgins requisits che vegnevan duvrads pli baud. RTR, Prisca Bundi
-
Bild 6 von 6Legenda: En il restaurant grad sper la miniera mussan figuras co i guardava ora durant la lavur al Gonzen. RTR, Prisca Bundi
RR actualitad 08:00