Qua na sun jau anc mai stà - Sin la senda enferrada Pinut

Noss correspundent da la Surselva Carlo Albin fa per l’emprima giada la via enferrada sin il Pinut. E quai betg persuls. Accumpagnà vegn el da Frédéric Toggenburg ch'è guid da muntogna. Els èn equipads cun in sez da raiver, ina chapellina, buns chalzers ed era guants per sa tegnair vid la suga da fier.

1 / 5

Legenda: La survista davent dal Pinut sil Flem e Laax.. RTR, Ursin Lechmann

2 / 5

Legenda: Il guid da muntogna Frederic Toggenburg. RTR, Ursin Lechmann

3 / 5

Legenda: La survista davent da la paraid dal Pinut. RTR, Ursin Lechmann

4 / 5

Legenda: Il Pinut è sulettamain adattà per quels senza tema d’autezza. RTR, Ursin Lechmann

5 / 5

Legenda: S’inscriver en il cudesch sisum il Pinut tutga er vitiers. RTR, Ursin Lechmann

Gia dapi passa 100 onns en funcziun

1902 ha Christian Meiler, lura president communal da Flem, cumprà il champ Pinut. Sia finamira era da porscher in'attracziun als turists, che visitavan Flem en adina pli grondas massas. El n'ha betg mo renovà la senda existenta cun installar scalas da metal, el ha era prolungà la senda enfin sisum il crap da Flem. 1907 è la senda enferrada Pinut vegnida averta.

Cun ils onns è quella attracziun dentant ida en emblidanza. La senda enferrada è vegnida duvrada adina pli pauc ed ida en decadenza. Pir l’onn 2007, sin il giubileum da 100 onns senda enferrada Pinut, han intgins indigens prendì l’iniziativa e restaurà la senda. Auter che l’entrada da la senda è la ruta anc adina la medema sco avant 100 onns.

RR actualitad 06:00