Per construir da nov ina fermada d’auto da posta buna per persunas cun impediment a St. Antönien, ed ina plazza da volver per quel – han ils da Luzein approvà in credit da 410’000 francs. Da questa summa vegn il chantun a surpigliar 141’000 francs.
Vitiers ha la radunanza communala approvà plirs credits en connex cun il provediment d’aua, e cun auas persas – da totalmain da passa 5 milliuns francs.
Ultra da quai ha il suveran da Luzein approvà il quint annual da l’onn passà. Tar custs da 8,7 milliuns francs ha il quint serrà cun in surpli da passa 1 milliun francs. Las raschuns principalas sajan dapli entradas da taglia, scriva la vischnanca.
Il Telesguard ha rapportà il 2019 d'in nov implant a Luzein:
video
Nova ovra idraulica per 10,5 milliuns francs
Or da Telesguard dals 14.10.2019.
laschar ir. Durada: 2 minutas 27 Secundas.