Cun 57 cunter 50 vuschs e tschintg cedels vids ha la radunanza communala decis cunter la proposta da la suprastanza. Lezza aveva preschentà il fanadur in plan da finanzas per ils proxims onns che prevesa pli grondas expensas ed investiziuns. Uschia aveva la suprastanza proponì d’auzar il pe da taglia da 80 sin 90 % da la taglia chantunala simpla. Il preventiv da l'auter onn avess previs in minus da 108'000 francs, quai tar investiziuns nettas da passa 5,1 milliuns francs.
Ils da Bregalia èn stads d'accord da midar il reglament da traffic per endrizzar ina controlla electronica da permissiuns da charrar sin vias agriculas e da guaud. Plinavant èn er il project per la revitalisaziun da l'Aue Cavril e l'adattaziun dals contracts per la rait electrica vegnids approvads.
