La radunanza communala da Malans ha approvà la revisiun parziala da la planisaziun locala. Quai en connex cun la regulaziun dad indrizs per telefonia mobila. La suprastanza vul cun quella revisiun coordinar la posiziun dals indrizs per telefonia mobila optimalmain, cun focussar sin uschè paucs lieus sco pussaivel e cumbinar cun indrizis existents.
Credit supplementar per sanar la chasa communala
Plinavant han ils da Malans approvà in credit supplementar da 670'000 francs per sanar la chasa communala. Il project cumpiglia tranter auter in ascensur, la sanaziun dals palantschieus e la restructuraziun da l'abitaziun da la chasa communala.
Implant da la televisiun a cabel
En pli ha la vischnanca decis da vender l’implant da la televisiun a cabel. Perquai han ins abolì la lescha davart bajegiar e manar in implant d'antenna, da 1987. La connecta ag da Ilanz/Glion surprenda l'implant da la televisiun a cabel per il pretsch dad in franc simbolic. Persuenter s'oblighescha ella da sanar e manar l'implant al minimum per diesch onns.
