La vischnanca da Zezras po cumprar ina parcella en il vitg che pudess servir fitg bain ad ils basegns publics. A chaschun da la radunanza communala han votantas e votants approvà per quai in credit da passa 1,8 milliuns francs. Avant in onn ha la radunanza communala approvà la cumpra d'ina parcella da 759 meters quadrat. Avant che la parcella è vegnida transferida è il proprietari mort, uschia han ins gì la pussaivladad dad era cumprar il rest da la parcella, sco la vischnanca scriva.
Vitiers han ils da Zezras ditg Gea ad in credit da planisaziun da 150'000 francs. La vischnanca politica da Zezras, la vischnanca burgaisa da Zezras e la vischnanca da Landquart vulan construir ensemen in implant da pumpadi d'aua sutterrana. Gia oz èn las raits d'aua da las vischnancas colliadas en il champ dad in implant da pumpadi dad aua sutterrana.
