In tschigulatier a Puntraschigna fa lieurs tut a maun e schizunt en furmas in pau anticas. Questas furmas èn vegnidas dadas vinavant en famiglia. Perquai che quellas èn ord metal na ves'ins betg tge ch'ins ha malegià a la fin, perquai dovri in zic experientscha.
Far sez tschigulatta
Co fiss i da far quest onn sez la tschigulatta da Pasca enstagl da cumprar ella? Far sez tschigulatta è numnadamain pli simpel che quai ch’ins pensa.
Las ingredienzas
Per far sez tschigulatta duvrais vus paintg da cacau, pulvra da cacau, zutger, pulvra da zutger (Puderzucker), zutger da vaniglia e pulvra da latg u pulvra da cocos. E lura urden per ornar la tschigulatta, sco per exempel nuschs, flocs da cocos u pitschnas brezlas saladas.
Il process
Il process è tar la tschigulatta naira, brina ed alva il medem. Simplamain la quantitad da las ingredienzas è autra, la tschigulatta naira na dovra betg pulvra da latg u cocos e la tschigulatta alva na dovra nagina pulvra da cacau.
- Luar il paintg da cacau sur in bogn d’aua.
- Entant che lezza lieua, maschadar en ina cuppa tut tschellas ingredienzas (pulvra da cacau, zutger, pulvra da latg etc.).
- Silsuenter maschadar ensemen il paintg da cacau luada ed il rest.
- Cura ch’igl è ina massa liquida, derscher sin in taglier cun in palpiri da furnel suten e decorar.
- Cura che la tschigulatta è decorada a fin metter ella per minimum in'ura en frestgera.
Recept per 100 grams tschigulatta:
Bun divertiment e bun success d'empruvar ora sez.
