Durant quatter onns han recurs franà in project da l'interpresa Inventx SA a Cuira. Uss ha il Tribunal federal sco davosa instanza dà glisch verda al nov bajetg «Mehrwerk» che l'interpresa d'informatica ha previs amez la chapitala. La dretgira a Losanna haja refusà ils recurs che vischins avevan fatg, scriva la citad da Cuira. Il bajetg planisà da l'Inventx duai porscher plazs da lavur per radund 200 persunas, gastronomia, cultura, ina canorta, abitaziuns e l'archiv da la citad.
Il cussegl da la citad beneventa la decisiun dal Tribunal federal. Finalmain possian ins realisar il project ed uschia revitalisar la surfatscha ch'è oz terren betg nizzegià.
audio
Urs Marti: «Quai è ina grondiusa schanza per nossa citad»
ord RTR Audio dals 15.10.2021.
laschar ir. Durada: 15 Secundas.
Nus ans legrain ch'il project po uss finalmain vegnir realisà e la surfatscha nunutilisada en il center vegn viventada .