Siglir tar il cuntegn

Header

purtret Roderick Galantay
Legenda: Roderick Galantay Il nov president da la regiun Plessur. Regiun Plessur
cuntegn

Regiun Plessur Roderick Galantay è il nov president da la regiun

Roderick Galantay, il president communal da Tschiertschen è vegnì elegì unaimamain da la conferenza dals presidents Plessur. Galantay succeda cunquai a Margrith Raschain che na sa metta betg pli a disposiziun per l'elecziun dal presidi communal da Churwalda. Sco nov vicepresident è vegnì elegì Urs Marti, il president da la citad da Cuira.

Cun l'elecziun da Roderick Galantay haja mintga regiun ina giada timunà la conferenza da presidentas e presidents da la regiun Plessur. La regiun era ida en vigur il schaner 2016 suenter ina votaziun a l'urna nua ch'il suveran veva ditg Gea ad ina refurma dal territori. Tras quella eran il cirquits Cuira, Churwalden e Scanvetg daventads la regiun Plessur che cumpiglia cun la citad da Cuira las vischnancas Arosa, Churwalden e Tschiertschen-Praden.

Tar las incumbensas da la regiun tutgan tranter auter:

  • il svilup dal territori
  • l'autoritad per la protecziun da creschids ed uffants
  • l'urden dal stadi civil
  • l'uffizi da scussiun e concurs
  • l'administraziun dals archivs cirquitals

Nagina vischnanca è però obligada da surpigliar in pesum. Las vischnancas pon decider sch'ellas vulan liquidar pensums sin livel communal u via la collavuraziun intercommunala entaifer la regiun.

audio
Per tadlar: Las novitads da las 12:00
ord RTR Audio dals 28.12.2021.
laschar ir. Durada: 5 minutas 15 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga