Siglir tar il cuntegn

Header

video
Nova sedia per la Dretgira superiura
Or da Telesguard dals 01.04.2022.
laschar ir. Durada: 3 minutas 15 Secundas.
cuntegn

Renovaziun ed engrondiment Nova sedia per la Dretgira superiura

L'edifizi chantunal a la Grabenstrasse a Cuira duai servir sco nova sedia giudiziala a la Dretgira superiura. Ord quest motiv vul il chantun renovar ed engrondir il bajetg construì l'onn 1877.

Actualmain han la Dretgira chantunala e la Dretgira administrativa lur sedias en differents bajetgs en la citad da Cuira. Il sboz da la refurma da las dretgiras prevesa da reunir quellas duas dretgiras ad ina Dretgira superiura, quai ord vista organisatorica e locala.

Per la renovaziun e la construcziun d'in tract nov quinta il chantun cun custs da radund 29,2 milliuns francs. Il project è collià cun la refurma da las dretgiras grischunas e vegn pervi da quai suttamess al Cussegl grond en la sessiun da zercladur, e suenter a las votantas e votants grischuns per la votaziun dals 27 da november 2022.

audio
Chantun Grischun: Renovaziun ed engrondiment da la sedia giudiziala
ord Actualitad dals 01.04.2022.
laschar ir. Durada: 2 minutas 40 Secundas.

RTR novitads 11:00

Artitgels legids il pli savens