Siglir tar il cuntegn

Header

audio
Reservaziuns – tema per l'enviern?
Or da Actualitad dals 18.11.2021.
abspielen. Laufzeit 3 minutas 9 Sekunden.
cuntegn

Reservaziuns per l'enviern Hotellaria e chantun èn optimistics

Las reservaziuns per la stagiun 2021/2022 empermettan ina buna stagiun. I dat gia ussa hotels en tschertas destinaziuns ch'èn occupads cumplettamain sur ils dis da Festas.

En tut las destinaziuns dal Grischun èn las reservaziuns per il mument bunas enfin fitg bunas. Ils giasts arrivan puspè da tut il mund, e betg mo da la Svizra. Quai era pervi da las restricziuns en auters pajais, per exempel la regla da 2G en l'Austria. Ch'ils esters han il basegn da vegnir en Svizra a far vacanzas d'enviern percorschan era ils hoteliers da San Murezzan. Là hai bunas cifras da cudeschaziun d'esters en ils hotels da tschintg stailas.

Tuttina era sch'els quintan cun ina buna stagiun – ins n'emblida betg che la situaziun è anc adina intscherta e ch'i po adina puspè dar novas restricziuns e mesiras. Tema n'hajan ils blers e las bleras da l'hotelleria per il mument betg, els guardian simplamain optimistics vers la stagiun d'enviern – dentant tuttina cun in pau respect.

Era da la vart dal chantun guardan ins cun optimissem vers la stagiun d'enviern. Il cusseglier guvernativ Marcus Caduff manegia che la suletta dumonda che pudess vegnir quest enviern, saja la dumonda d'in obligatori da certificat en las cabinas. 2G na vegn dentant tenor Marcus Caduff betg ad esser in'opziun. El manegia che questa mesira na chattass nagina acceptanza en Svizra.

RTR actualitad 11:00

Artitgels legids il pli savens

Scrollar a sanestra Scrollar a dretga