Siglir tar il cuntegn

Header

video
Gea a lescha da Covid: «Igl è in segn ch'ins fida las autoritads»
Or da Telesguard dals 28.11.2021.
abspielen. Laufzeit 3 minutas 14 Sekunden.
cuntegn

Resultat final La Lescha da Covid-19 vegn acceptada cleramain

62% dals Svizzers e da las Svizras din Gea. La participaziun a la votaziun è stada tar 65,7%.

Dals 26 chantuns din 24 ditg Gea. Sulettamain ils chantuns Appenzell Dadens (55,8%) e Sviz (51,4%) din Na. Il chantun Appenzell Dadora di Gea a la lescha da Covid-19, dentant mo cun 50,7% da las vuschs.

Il pli grond sustegn ha la lescha survegnì en ils chantuns Basilea-Citad (70,6%), Turitg (66,2%) e Tessin (65,3%) da las vuschs.

Lescha da Covid-19

Svizra: Lescha da Covid-19

  • GEA

    62.0%

    2'222'373 Vuschs

  • NA

    38.0%

    1'361'284 Vuschs

Funtauna gfs.berna

Avrir la box Serrar la box

Las calculaziuns approximativas fa l'institut da perscrutaziun gfs.berna sin incumbensa da l'entira SRG SSR. Quellas sa basan sin vischnancas da referenza che tramettan al team da gfs.berna lur resultats finals. La quota da sbagls munta a +/- 3,0 puncts procentuals.

Cler resultat er en il Grischun – 60,9% Na

Il chantun Grischun di cleramain Gea a la lescha da Covid-19 cun 60,9%. Quai mussan ils resultats da la chanzlia chantunala. 93'112 cedels da votar èn vegnì inoltrads, quai munta ad ina partizipaziun da 65,9%.

En il Grischun han surtut las vischnancas dal Partenz refusà la lescha, uschia ha per exempel Luzein ditg Na cun 64,5%. Il pli cler Na da l'entir chantun hai dà a Runtgaglia, quai cun 66,7% da las vuschs. Il pli ferm sustegn ha la lescha survegnì en la vischnanca dad Urmagn, cun 75,5% Gea e Tujetsch cun 75%.

Grischun: Lescha da Covid-19

GEA 60.87%, Na 39.13%

Resultat 13:09

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

La regenza Grischuna è cuntenta che la Lescha da Covid-19 è vegnida acceptada. Quai ha ditg il cusseglier guvernativ Marcus Caduff, envers RTR. Il resultat cler saja in segn che la populaziun fidia a las decisiuns da la regenza. Sper la fidanza saja quai resultat er ina conferma per la lavur che la regenza ha fatg il davos onn e mez.

Vinavant dettian quels 60,9% era ina segirezza per l'enviern. Uschia sappia la regenza che la populaziun stettia davos ella e las mesiras che stoppian tut tenor anc vegnir prendidas.

Jan Koch, il vicepresident da la PPS grischuna è trumpà dal resultat, ma n'è betg surstà. Ussa stoppian ins mirar vinavant ed els vegnian a sa dustar cunter mesiras supplementaras pli rigurusas. Oravant tut cunter ina pussaivla regla da 2G. La schliaziun saja in ulteriur schlargiament da la capacitad da testar e da vinavant avair tests gratuits.

audio
Reacziuns da Marcus Caduff e Jan Koch
aus RTR Audio vom 28.11.2021.
abspielen. Laufzeit 2 minutas 11 Sekunden.

Lescha da Covid-19

Igl è la segunda votaziun davart la lescha da Covid-19: Ils 13 da zercladur ha il suveran gia acceptà quella cun 60% da las vuschs. Uss hai danovamain dà in referendum – quella giada cunter las adattaziuns ch’il parlament ha fatg il mars 2021 en la lescha. Sper agids finanzials ed il contact tracing stat surtut l’introducziun dal certificat da Covid-19 en il focus.

RTR novitads 12:00

Artitgels legids il pli savens

Scrollar a sanestra Scrollar a dretga