Siglir tar il cuntegn

Header

cuntegn

Retschertga «PoliWork» Economia duai sustegnair pli fitg il sistem da milissa

L'economia fetschia memia pauc per rinforzar il sistem da milissa. Quai resulta da las retschertgas dal project «PoliWork» da la Scol'auta spezialisada dal Grischun (FHGR). Per che uffizis da milissa duessen vinavant esser pussaivels en la politica regiunala sper la professiun, dovria quai meglras cundiziuns da basa, concluda la FHGR.

Sistem da milissa gea, però betg sin cust da la firma

Onn per onn hajan vischnancas adina dapli fadia d'occupar lur uffizis da milissa. E quai malgrà che l'interess da persunas saja atgnamain grond avunda. In problem è tranter auter la flexibilitad. Ozendi ston politichers e politcras da milissa esser disponibels durant l'entir di. In'auter punct saja che l'appreziaziun e stima manchia savens. Ed era la cumpensaziun ch'ins survegnia na saja savens betg in remplazzament adequat per l'entrada da professiun che giaja a perder.

grafica da pitgas
Legenda: Valitaziun da l'effect da mesiras en l'economia dal punct da vista d'interpresas e da mandatarias. FHGR/adattaziun RTR

Suletta proposta acceptada da firmas: Cumpensaziun tenor EO

Uschia na saja quai nagina surpraisa che persunas che lavuran en il sistem da milissa giavischan dapli sustegn da l'economia. 70% da la fatschentas na vulian tenor la rertscherca da la FHGR però betg s'engaschar. In'alternativa che vegniss però era sustegnida da fatschentas, fissia ina cumpensaziun tenor l'urden da cumpensaziun dal gudogn EO per persunas ch'occupan uffizis da milissa – sco quai ch'ins enconuscha per exempel gia tar il servetsch militar.

Il studi «PoliWork» da la FHGR

Avrir la box Serrar la box

Per l'emprima giada datti ina retschertga davart la cumpatibilitad da professiun ed uffizis da milissa. La FHGR ha fatg la retschertga tar 509 interpresas en Svizra tranter ils 3 da favrer ed 11 da matg 2021. E dal 28 d'october fin ils 8 da december 2020 tar 1'896 persunas ch'han in mandat tar vischnancas, chantuns u era tar pumpiers voluntaris e protecziun civila.

audio
Per tadlar curt e cumpact
aus RTR Audio vom 08.11.2021.
abspielen. Laufzeit 1 minuta 11 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga