Siglir tar il cuntegn

Header

cuntegn

Revisiun totala Regenza avra consultaziun per refurma da giustia

La regenza ha dà en consultaziun il sboz per ina revisiun parziala da la Constituziun chantunala sco er per ina revisiun totala da la Lescha davart l'organisaziun giudiziala.

Legenda: Anc è l'Uffizi da construcziun bassa dal Grischun en quest bajetg. Suenter duai lura la Dretgira suprema vegnir en quellas localitads. Keystone

Avant dus onns aveva il Cussegl grond decis da fusiunar la Dretgira chantunala e la Dretgira administrativa ad ina dretgira, a l’uschenumnada «Dretgira superiura dal chantun Grischun». Cunquai che la nova dretgira vegn ad esser pli gronda che las duas existentas, dovria novas structuras, scriva la regenza. Uschia duaja in secretariat general liquidar las incumbensas administrativas e distgargiar ils derschaders e las derschadras.

La consultaziun dura enfin ils 3 d’october.

Structuras adattadas al temp

Er la surveglianza da la giustia duai vegnir optimada. Per ils commembers da las autoritads da giustia duai er dar structuras adattadas al temp, per pudair survegnir il meglier persunal pussaivel per quest pensum. La finala duain vegnir realisadas las decisiuns ch'il Cussegl grond ha decidì en sia sessiun dal zercladur 2019 per la nova organisaziun da las dretgiras grischunas.

audio
Per tadlar curt e cumpact
01:20 min, RTR Audio dals 03.08.2021.
laschar ir. Durada: 01:20 minutas.

RTR novitads 10:00

Artitgels legids il pli savens

Scrollar a sanestra Scrollar a dretga