Siglir tar il cuntegn

Header

audio
50 onns dretg da vuschar per las dunnas
Or da Actualitad dals 27.12.2021.
abspielen. Laufzeit 4 minutas 48 Sekunden.
cuntegn

Revistas 2021 50 onns dretg da vuschar per dunnas

Ils 2 da favrer 1971 survegnan las dunnas svizras finalmain il dretg da vuschar. Finalmain, perquai ch'en ils blers pajais vischins da la Svizra è il dretg da vuschar per dunnas gia daditg introducì. E finalmain er, perquai che las dunnas han gia onns en ed onns or cumbattì per quai dretg.

  • «Jau sun cunter il dretg da vuschar per las dunnas, ellas na duain betg sa maschadar en la politica», uschia in tun or da l'archiv da RTR d'in um, che na vul betg dar a las dunnas il dretg da vuschar. Ed el n'è franc betg stà il sulet cun quest'opiniun, perquai ch'en il Grischun han be 54,7% dals umens ditg Gea al dretg da vuschar per las dunnas. En Svizra eran quai 65,7% dals umens.
  • Il pli cler ha Riom ditg Na al dretg da vuschar per las dunnas – tut ils 27 umens ch'èn quai di ids a votar han mess in Na en l'urna. Savens cun l'argument: «Las dunnas na vulan gnanc il dretg da vuschar».
video
GEA – 50 onns dretg da votar da las dunnas
Or da Cuntrasts dals 26.01.2021.
abspielen. Laufzeit 25 minutas 2 Sekunden.
  • Dentant schon be 2 onns pli tard han ils da Riom midà opiniun e ditg Gea al dretg da votar per las dunnas chantunal. Sch'ellas hajan gia il federal, sche duain ellas er avair il chantunal. Ed: I duvrava dunnas en la politica ord mancanza dad umens ch'eran pronts da surpigliar posts en vischnanca.
  • Tschierv è stada la vischnanca rumantscha che ha cun 89% ditg il pli ferm Gea al dretg da vuschar per las dunnas. L'anteriur president Oswald Toutsch suppona, che quai haja da far cun il turissem: «Tschierv era adina ina vischnanca turistica e tgi che vuleva far insatge cun turissem stueva ir cun il mund».
  • Malgrà dapli egualitad cun il dretg da vuschar èsi dentant anc bler da far:

RTR actualitad 11:00

Artitgels legids il pli savens

Scrollar a sanestra Scrollar a dretga