Siglir tar il cuntegn

Header

audio
Elecziun da l'uvestg Bonnemain
Or da RTR Audio dals 27.12.2021.
laschar ir. Durada: 4 minutas 36 Secundas.
cuntegn

Revistas 2021 Elecziun da l'uvestg Bonnemain

Che l’uvestgieu da Cuira dovra in nov uvestg è cler dapi plirs onns. L’anteriur uvestg Vitus Huondes n’è dapi la primavaira 2019 betg pli en uffizi. Ad interim ha il papa lura elegì Peter Bürcher sco administratur apostolic. L’entschatta dal 2021 hai dà moviment.

  • Pli baud che spetgà, ils 15 da favrer 2021, ha il papa nominà Joseph Maria Bonnemain sco nov uvestg. El è dapi 40 onns activ en l’uvestgieu da Cuira ed ha fatg carriera sut l’uvestg conservativ Wolfgang Haas. Pli tard è Bonnemain però sa distanzià dal curs ultraconservativ. Uschia è el vegnì beneventà da pliras varts.
  • El resta per almain 5 onns en uffizi. Atgnamain èsi previs ch’in uvestg chala cura ch’el vegn 75 onns. En il cas da Joseph Bonnemain fiss quai il 2023. Papa Francestg ha però prolungà ses temp d’uffizi sin tut en tut 5 onns. La raschun: La situaziun en l’uvestgieu da Cuira saja cumplexa.
  • Ils 19 da mars è stada la consecraziun dal nov uvestg. El na veglia betg metter l’uvestgieu u la baselgia en il center, mabain ils cartents e lur quitads. Dapi tschientaners saja la baselgia sa fatschentada memia fitg cun sa sezza. El veglia avair in vast cor per pensar ecumenic ed esser qua per tuts.

    RTR actualitad

    Artitgels legids il pli savens

    Scrollar a sanestra Scrollar a dretga