RTR ha in utschè - L'Europa sa dasda cun ils utschels … al radio
Dumengia ils 7 da matg, da las 06:00 a las 07:00, emetta RTR l’emissiun «Dawn chorus» - l'opera dals utschels. In'acziun che vegn realisada da radios europeics gia dapi intgins onns.
Il project cun il chant dals utschels – l’opera ornitologica - vegn realisà dapi intgins onns da radios europeics colliads en la EBU.
La finamira da quest'acziun è da mussar als auditurs la varietad ornitologica en l’Europa. Durant in'entira ura emettan radios simplamain chant d'utschels.
Mintga damaun dal matg, cura ch’i chatscha dis, cumenzan milliuns d’utschels en l’Europa a chantar. Mintga utschè fa quai per duas differentas raschuns:
per defender ses territori da cuar
per attrair in partenari
Chant d'utschels da l'entira Europa
Contemplar utschels è in’activitad dal temp liber che crescha uschè fitg sco strusch in’autra sin l’entir mund. L’Europa tutga tar il da chasa per ils utschels chantadurs ils pli spectaculars da noss planet.
L'acziun «Dawn chorus» sa stenta da regurdar vi da la bellezza dal chant dals utschels. Il chant dals utschels vegn emess da lieus en l'entira Europa.