Chantar in duet cun tes chantautur preferì? In viadi enturn il mund? Saltar tras la plievgia? Ina maraton? Ascender il Piz Bernina? Midar professiun? Ina stad ad alp?
RTR a la tschertga
Ils giavischs persunals per realisar durant la vita pon esser pitschens u era fitg gronds. Principal è ch'els fan plaschair. RTR è a la tschertga da persunas ch'han uschia ina glista – forsa era sulet en il chau. Persunas ch'han realisà chaussas concretas, ch'èn vidlonder u ch'han en mira da far quai insacura. Persunas ch'han gust da discutar da quels giavischs magari anc uschè schregs.
Forsa po RTR era gidar tai da realisar ina chaussa u l'autra. Segir betg da pajar e nus organisain era betg per tai in viadi dal mund, dentant pudain nus forsa meter fil en guila per ina chaussa u l'autra. Per exempel, pudessan nus gidar a realisar da chantar ina giada ina chanzun durant in concert cun Alexi e Marcus, sche quai è in giavisch. Ubain...? Nus pudain empermetter nagut, dentant pudain nus empruvar.
T'annunziar pos cun in mail sin social@rtr.ch.
Dapli dal project audas qua:
