cuntegn
T'annunzia
-
RTR tschertga tia seria-web ficziunala!
D'accord, serias-web datti gia bleras. Ma propi coolas, innovativas e rumantschas? Gea – ensemen cun tai/vus!
Autur:
RTR, Flavio Deflorin
Pertge ina seria-web rumantscha?
Nus vulain porscher a noss public in format che tschiffa, commova e fascinescha.
Tge tschertgain nus?
Noss public en mira è creschì si cun il web. Nossa seria duai perquai sa distinguer d'autras serias. Nus tschertgain istorgias che pudessan esser realisticas, che provocheschan e commovan.
Tgi tschertgain nus?
I na dependa insumma betg, sche vus essas ina firma da producziun etablida, u sche vus essas simplamain activs dapi onns sin Youtube u Instagram,
sche vus discurris rumantsch u betg, sche vus essas giuvens u vegls. Vus duvrais sulettamain in'idea persvadenta!
Nus tschertgain vossas ideas per che quella seria-web possia vegnir realisada: ideas, scenaris, scripts, concepts en detagl, etc. per producir en atgna reschia ubain en stretga collavuraziun cun RTR.
Cundiziuns generalas
Avrir la boxSerrar la box
- Tgi? Auturas ed auturs cun domicil en Svizra
- Tge? In'istorgia captivanta che tschiffa, fascinescha e surprenda noss public giuven, in'acziun plausibla che va vias raffinadas, ina dramaturgia stringenta ed entusiasmanta, che gioga en la Svizra rumantscha multifara.
- Co? Cun pledentar surtut er in public giuven, cun perspectiva originala, che sveglia las emoziuns dal public ed al provochescha.
- Cun? Caracters vardaivels plain fassettas, ina lingua e mentalitad autentica.
- Cura? Inoltrar fin ils 28-07-2019
- Ulteriuras dumondas? Per detagls suandar il link sut (dossier).
Detagls per inoltrar in dossier
