Rueras - Oldtimer ha brischà cun vegnir giu dal pass Alpsu

La notg passada ha in oldtimer piglià fieu sin la via sur il pass Alpsu. Curt avant las quatter la notg era l'automobilist sin viadi da l'ospizi en direcziun Rueras, sco la Polizia chantunala scriva. Damai che l'auto ha lura purtà damain prestaziun ch'usità, haja l'um tegnì airi. El haja constatà fieu en il spazi dal motor e dà alarm. Ils 12 pumpiers da Sursassiala han pudì stizzar il fieu, che ha donnegià fermamain il spazi dal motor e la part davos da l'oldtimer.