-
Bild 1 von 12. Er a Berna vegnan repartids oz speranza ina massa bratschlets d'amis. E speranza survegn RTR enavos ina massa bratschlets per turnar en Grischun. Bildquelle: RTR, Sabrina Bundi.
-
Bild 2 von 12. La launa per far bratschlets è pronta. Bildquelle: RTR.
-
Bild 3 von 12. In bratschlet d'amis en lavur. Bildquelle: RTR.
-
Bild 4 von 12. In bratschlet d'amis en lavur. Bildquelle: RTR.
-
Bild 5 von 12. Ils bratschlets d'amis preschentads a moda scharmanta. Bildquelle: RTR.
-
Bild 6 von 12. Era Oscar Knapp, il president da la SRG.R, ha fatg in bratschlet d'amis. Bildquelle: RTR.
-
Bild 7 von 12. In um giuven lavurus avant la staziun da Berna. Bildquelle: RTR.
-
Bild 8 von 12. Mauns pli fins da l'um che fa in bratschlet d'amis. Bildquelle: RTR.
-
Bild 9 von 12. Schi ha duvrà, ha RTR dà assistenza per far bratschlets. Bildquelle: RTR.
-
Bild 10 von 12. Duri Campell e Martin Candinas en acziun per ils bratschlets d'amis e per il rumantsch. Bildquelle: RTR.
-
Bild 11 von 12. Pascal Gamboni ha procurà per buna musica a Berna. Bildquelle: RTR.
-
Bild 12 von 12. Era a la davosa staziun da «Rumantsch, what else?» a Berna, èn ils bratschlets d'amis in'impurtanta part da l'acziun. Bildquelle: RTR.
Il venderdi è stà l'ultim di da l'acziun «Rumantsch, what else?» – ed era temp per chattar amis ed amias.
Ti fas in per mai ed jau fatsch in per tai? Uschia faschevan ins pli baud novs amis ed amias, cun far bratschlets d'amicizia in per l'auter. Ed exact uschia han er noss redacturs da RTR vulì chattar il venderdi, l'ultim di da l'acziun «Rumantsch, what else?» massa novs amis ed amias per la Rumantschia.
Numerusas scolas grischunas han fatg bels bratschlets, e quels èn vegnids repartids a Berna. E natiralmain han ils novs amis era stuì far in bratschlet en return. RTR è sa postà sin la staziun a Berna cun in stand e la Microlotta, ed ha animà ils novs amis dad era trametter in bratschlet enavos ad in uffant grischun.
La Svizra duai daventar pli rumantscha e la Rumantschia duai survegnir dapli amis.
RR actualitad 08:00