Siglir tar il cuntegn

Header

cuntegn

Sanadad Dossier da pazients electronic er pussaivel en Grischun

Il dossier da pazients electronic fa uss er il pass en la Svizra orientala. A partir dad immediat pon ins er en il Grischun avrir in tal dossier. Quai ha communitgà oz l’uniun eSanita.

La Svizra orientala è la terza regiun en Svizra che po far diever dal dossier electronic. Il dossier po vegnir avert en differents ospitals u tar la Posta. Tenor eSanita è la Posta partenari per l’infrastructura tecnica dal dossier.

En quel vegnan resumads documents medicinals e datas da sanadad. Pil mument fan part da quest dossier ils ospitals e las clinicas ch'èn obligadas tenor la lescha federala. Chasas da tgira duain suandar il 2022. En avegnir duain lura er prestaziuns ambulantas vegnir vitiers, sco per exempel medis da chasa, apotecas e terapeuts.

RTR novitads 18:00

Artitgels legids il pli savens