Dapi las glindesdi suentermezdi a las 15:00 circulescha il traffic puspè sur il pass sin in vial. Ils var 30 cubics material, cunzunt lozza e glera, sajan entant rumids. La raschun ch’i ha dà in sbuvaditsch saja la ferma plievgia sur fin d’emna sco Gion Hagmann da l’Uffizi da construcziun bassa ha ditg envers RTR. Quel saja vegnì a val sur Susch ed haja per part cuvernà la via.
Impressiuns dal sbuvaditsch
Situaziun sa calmada
Entant saja la situaziun sa quietada, tenor l’evaluaziun d’in geolog da glindesdi bun’ura. Il terren saja stabil. I na dettia nagin privel pli, uschia Gion Hagmann. Tuttina tegnian ins en egl sa situaziun. Sch’i na plovi betg puspè e dettia er nagins urizis sajan ins da buna speranza da pudair avrir omadus vials vers la fin da quest’emna.
audio
Per tadlar curt e cumpact
01:00 min, Novitads dals 02.08.2021.
laschar ir. Durada: 01:00 minutas.