Legenda:
Il deposit da material ha ars la notg sin mardi.
MAD, Polizia chantunala
La notg sin mardi ha in deposit da rauba a la staziun da Schiers ars. Il fieu ha era tschiffà parts dal bajetg da la staziun che cuntegn in'abitaziun. Ils passa 50 pumpiers han pudì impedir che lez bajetg brischia dal tut. Suenter stgars quatter uras è il fieu stà stizzà. Persunas n'èn betg vegnidas blessadas. Abitantas ed abitants han pudì bandundar ad uras l'abitaziun pertutgada dal fieu. Tenor la polizia muntia il donn material a plirs 100'000 francs. Pertge ch'i ha ars na san ins anc betg. La Polizia chantunala intercurescha l'incendi.
audio
Per tadlar: Las novitads da las 12:00
ord RTR Audio dals 03.08.2021.
laschar ir. Durada: 6 minutas 2 Secundas.