Siglir tar il cuntegn

Header

audio
Ils schrebertins – nettegiar, semnar e plantar
Or da Actualitad dals 28.03.2022.
laschar ir. Durada: 2 minutas 41 Secundas.
cuntegn

Schrebertins a Domat Nettegiar, chavar enturn e plantar – las lavurs da primavaira

Malgrà la bellezza aura eri ina ruassaivla sonda avantmezdi tar ils schrebertins a Domat. Be paucas persunas eran vid far las davosas preparativas per lura esser pronts da semnar legums, fritgs ed ervas.  

Las lavurs las pli impurtantas

Uss è il temp da far las lavurs da preparaziun en ils schrebertins, per ch'ils ierts èn pronts da semnar en l'avril.

Far urden, zerclar e chavar enturn la terra. Quai èn las lavurs las pli impurtantas.
Autur: Marko Radat da la Croatia, ha dapi 26 onns in schrebertin a Domat

Blers han era da renovar u perfin bajegiar da nov, per exempel la serra per las tomatas:

Per Ayrie Selmani, Muselji Veselj e Marko Radat è il schrebertin ina passiun. Uschia fan els era gugent mintga lavur ch'è da far en l'iert. Pervia da la setgira, hajan els quest onn dapli lavur cun bagnar. Sche la qualitad dal terratsch patescha fitg sut quai, saja anc memia baud per giuditgar, dian Marko Rabat e Murselji Veselj.

Gril e bavrondas

Els tschintg sa legran sin l'avrigl. Betg be perquai ch'els pon lura semnar bunas chaussas, ubain era ch'i vegn pli chaud e da lura pudair grillar e baiver insatgi ensemen cun las autras persunas en il schrebertin.

Ord l'archiv

video
En schrebertins e curtins
Or da Cuntrasts dals 08.05.2019.
laschar ir. Durada: 24 minutas 14 Secundas.

RTR actualitad 08:00

Artitgels legids il pli savens

Scrollar a sanestra Scrollar a dretga