Salvaments da muntogna cun la suga vi dal helicopter èn acziuns difficilas. Oravant tut sche las persunas disgraziadas sa chattan sut ina surpendenza d'in grip. In agid mecanic pudess esser in roboter, che tira il spendrader vi da la suga pli datiers al disgrazià, cun la tracziun d'in propeller.
Studentas e students da la Scola auta spezialisada dal Grischun FHGR han sviluppà tals indrizs, en il rom d’ina lavur da project. Tenor in spezialist dal Salvament alpin svizzer ina bun'idea cun potenzial, dentant anc lunsch davent da la realitad d’ina acziun da salvament.