Siglir tar il cuntegn

Header

audio
Scola privata u publica? Dus exempels, co instruir a chasa
Or da Actualitad dals 24.11.2021.
abspielen. Laufzeit 3 minutas 55 Sekunden.
cuntegn

Scola populara u scola privata Passa 20 uffants grischuns prefereschan scolas privatas

Scolas online u scolas privatas stattan en concurrenza cun la scola populara.

Avant in onn ha Ladina Blumenthal prendì ses uffants ord la scola populara da la Lumnezia. Suenter avair fatg quai, ha ella realisà ch'i dat anc auters che n'èn betg cuntents cun la purschida da la scola populara. Ils uschenumnads «homeschoolers» n'èn betg organisads fitg stretg, ma els s’inscuntran mintgatant. Ils barats tranter els sajan fitg fritgaivels, raquintan Franz Hehlen e Ladina Blumenthal.

Differents sistems

Franz Hehlen ha fundà a Flerden ina scola privata, nua ch'el ha engaschà per ses uffants ina persuna d'instrucziun. Uschia po el respectar las prescripziuns ch'il chantun fa per ina tala scola privata. Auter tar Ladina Blumenthal - ella è sezza scolasta ed ha uschia survegnì la lubientscha d'instruir ses agens uffants a chasa.

audio
Scola privata u publica? Scolas internaziunalas sco alternativa?
aus Actualitad vom 24.11.2021.
abspielen. Laufzeit 3 minutas 15 Sekunden.

Ir e prender novas vias

Per Ladina Blumenthal na bastava quai dentant betg. Ella ha chattà la scola internaziunala «School -beyond-limitations» che correspunda exact a ses giavischs. Questa scola è vegnida fundada e manada da Martina Geromin. Questa scola è dentant certifitgada be sco scola internaziunala. Uschia ha Ladina Blumenthal instradà il proxim pass: Ella vul dispensar ses uffants da la lescha da scola svizra. Quai per ch'els possian visitar la scola internaziunala. Anc n'è quai betg succedì.

Chantun pragmatic

La scola populara en il Grischun è tenor l'Uffizi da scola bain renconuschida. 90% èn cuntents cun la scola. Era il temp da pandemia n'haja betg midà quai. Durant il temp ch'ils scolars han stuì far homeschooling hajan ins constatà che scolaras e scolars sajan sa legrads da turnar puspè en scola.

audio
Scola privata u publica? Tenor il chantun nagina concurrenza
aus Actualitad vom 24.11.2021.
abspielen. Laufzeit 3 minutas 27 Sekunden.

Scola privata nagina gronda concurrenza

Jon Domenc Parolini, il chau dal departament d'educaziun grischun, manegia ch'il chantun dettia la pussaivladad da far talas scolas, quai cun la resalva dal dretg da far controllas. Uschia ston era scolas privatas ademplir ils criteris sco:

  • La persuna d'instrucziun sto avair ina patenta da scolast.
  • Il plan d'instrucziun 21 vala.
  • Las controllas vegnan fatgas da l'inspecturat da scola.

La scola privata na munta betg ina gronda concurrenza per las scolas popularas. Sulettamain pudessi dar ina constellaziun ch'ina scola populara avessia en ina vallada tras scolas privatas memia paucas scolaras e scolars. Quai fiss però da deplorar, di il manader dal departament d'educaziun, Jon Domenic Parolini.

RTR actualitad 06:00

Artitgels legids il pli savens

Scrollar a sanestra Scrollar a dretga