Scolas e corona - Regenza vul mesirar il CO2 en stanzas da scola
La regenza grischuna vul mesirar la valur da CO2 en stanzas da scola. Quai ha il minister da sanadad Peter Peyer ditg il venderdi en il cussegl grond sin ina dumonda urgenta da la fracziun socialdemocratica.
La PS vuleva savair da la regenza tge ch'ella ha previs per far frunt a la derasaziun da la varianta Delta en scola.
Per evitar cas da corona en scola duai dar in project da pilot cun apparats per mesirar la qualitad da l’aria. La finamira è da guardar sch’il dumber da viras e d’aerosols giaja enavos cun dar aria, i saja propi ina fasa da pilot per guardar tge influenza che dar aria haja.