Las pajas bassas da persunas ch'instrueschan en scolinas grischunas duain vegnir examinadas. La regenza grischuna saja pertscherta ch'ins stoppia agir. Uschia respunda ella ad ina dumonda ord il parlament. Nagin auter chantun indemnisescha numnadamain uschè mal las mussadras ed ils mussaders da scolina sco il Grischun.
Vinavant sincerescha la regenza che tut las dumondas exprimidas vegnan tractadas en il rom da la revisiun parziala currenta da la lescha da scola. Las propostas duain vegnir preschentadas en la procedura da consultaziun.