Seewis - Gansner-Hemmi resta presidenta communala

La radunanza communala da Seewis en il Partenz ha reelegì la presidenta communala Nina Gansner-Hemmi cun gronda maioritad per in’ulteriura perioda d’uffizi. En pli han ils da Seewis approvà plirs credits, tranter auter in credit da 600'000 francs per sanar la via d’alp. Er han els ditg Gea al budget da l’auter onn. Quel prevesa in minus da passa 97'000 francs tar expensas da 7,5 milliuns francs. Il pe da taglia resta l’auter onn tar 110% da la taglia chantunala simpla.