Jon da Lüzi - uschia nomn'ins a Sta. Maria Jon Conradin. Jon da Lüzi ha 72 onns ed è restà durant tut sia vita a Sta. Maria. El è creschì si sper la baselgia da Sta. Maria. Perquai sa el era precis co ch'ins ha da sunar ils zains da la baselgia en quellas occasiuns nua ch'ins fa quai a maun sco a Silvester per exempel. Anc oz va Jon da Lüzi ils 31 da december cun la giuventetgna sin il clutger per mussar co ins tira ils zains.
Jon da Lüzi ves'ins mintga di a trafitgar tras Sta. Maria, el è adina be lavurs. Sch'ins vul far giu insatge cun el, lura van ins il meglier tras la vischnanca, meglier che pruvar da telefonar. Per l'avegnir spera Jon da Lüzi ch'i dettia damain traffic tras vischnanca ed el spera ch'i haja era adina avunda uffants en la vischnanca.