Siglir tar il cuntegn

Header

cuntegn

Mes vitg ed jau L’alp da Sagogn entamez il territori da skis da Laax

La collavuraziun tranter la vischnanca da Sagogn e las pendicularas da Laax saja buna, di Gion Beeli. El è in da quels che sto savair quai. Dapi 27 onns è Beeli numnadamain guardiachamona sin l’alp Son Martin, dapi 31 onns è el però er scolast da skis a Laax.

Beeli vesa pia stedi las duas varts sin il territori da Sagogn; da stad e d’enviern. Il territori tranter il Plaun (1560 m s.m.) ed il Vorab Pign ( 2897 m s.m.) è numnadamain en proprietad da la vischnanca burgaisa da Sagogn. Là sa chatta l’alp Son Martin ch’è uschia ina part dals runals e da las pistas dal territori da skis.

audio
Mezdi: L’alp da Sagogn entamez il territori da skis da Laax
ord Actualitad dals 21.07.2015.
laschar ir. Durada: 4 minutas 23 Secundas.

Abunaments da skis pli favuraivels e tschains

Ils da Sagogn profiteschan però er da las pendicularas. Per l’ina dals turists e per l’autra dad abunaments da skis pli favuraivels. Plinavant ston las pendicularas pajar tschains a la vischnanca.

Mo 100 meters dasper l’alp è il mument in plazzal da lavur, il runal da la Siala vegn remplazzà. Quai fetschia canera, na disturbia però betg grond il manaschi da l’alp di Gion Beeli. Els hajan dentant stuì metter dapli saivs per che las vatgas na giajan betg sin ils plazzals.

Artitgels legids il pli savens