-
Bild 1 von 3. Las plantas da «prema» a Sagogn. Bildquelle: RTR, M. Candrian.
-
Bild 2 von 3. Sia puma vesa ora in zichel sco ina primbla / «zuesca» e che gusta in zichel sco ina paloga. Bildquelle: RTR, M. Candrian.
-
Bild 3 von 3. Gion Cavelti (san.) e Dumeni Antoni Cavelti èn perina quai che pertutga la «prema». Bildquelle: RTR, M. Candrian.
Dentant il medem sco primblas u palogas n’èn ellas betg, las «premas»: qua èn Gion e Dumeni Antoni Cavelti perina. Els èn creschids si cun curtins da puma a Sagogn. Ils vischins dal redactur Maurus Candrian enconuschan il abc da la «prema», la puma ch’è in zichel pli pitschna che primblas u palogas.
Gia Gion Cadieli, l’autur e plevon da Sagogn, ha menziunà ils pumers en l’emprima strofa da sia poesia «In dils bials de tut la Foppa» dal 1936 :
In dils bials de tut la Foppa
Ei finfatg il vitg Sagogn,
Sco en tgina ina poppa
Dorm’el sper il Rein e Glogn.
Circumdaus da tschiens pumera
Che flurescha de smarvegl,
Lunsch naven dalla canera,
Sa ‘l semiar el clar sulegl.
Sper la maila, las tschareschas, la paira, la cudogna e las primblas / «zuescas» ha el franc er patratgà vi da la «prema» durant scriver questa poesia.