Siglir tar il cuntegn

Header

cuntegn

Mes vitg ed jau Stretg èsi amez Sta. Maria

La via chantunala maina tras Sta. Maria. Amez la vischnanca èsi dentant uschia stretg ch'ins na po betg cruschar.

il lieu stretg amez Sta. maria cun autos cche passan
Legenda: Il stretg amez Sta. Maria Pli stretg na vai betg. RTR/D. Spinnler

La via amez Sta. Maria è stretga. Uschia stretga ch'ins na po betg cruschar sin in toc da passa 50 meters. En il lieu il pli stretg na cruschan gnanc in auto ed in pedun. Durant la stad èsi fitg bler traffic tras Sta. Maria. Autos che vegnan u van vers il Tirol dal sid u lura sur il pass da l'Umbrail vers la Vuclina. Perquai datti lura magari colonnas tras Sta. Maria. Ils indigens èn dià quai.

.

il stretg a Sta. Maria cun autos che passan
Legenda: Il stretg amez Sta. Maria Senza prender resguard in sin l'auter na pon ins betg passar. RTR/D. Spinnler

Ils autos ston spetgar per passar in suenter l'auter, ma quai na funcziuna betg adina uschia simpel.

.

.

.

.

.

audio
Mes vitg ed jau: il stretg amez Sta. Maria
ord Actualitad dals 21.08.2015.
laschar ir. Durada: 3 minutas 11 Secundas.

Alice Lemm viva dapi decennis gist en il lieu il pli stretg da la vischnanca. Ella ha vis ed udì che betg mintga auto u camiun passa senza problems tras il stretg.

.

.

in trax stumpla davent il camiun rut ord la stretga.
Legenda: Il stretg a Sta. Maria Lavurs da salvament per in camiun l'onn 1990. A. Lemm

Quest camiun blau è stgadanà en la chasa dad Alice Lemm l'onn 1990. Suenter hai duvrà ina acziun pli gronda per allontanar il camiun. Quai è stà ina attracziun per tuts quella giada. En il lieu stretg hai perfin dà possessurs da chasa che han stuì empitschnir il balcun suenter che camiuns avevan stratg giu diversas giadas il balcun.

.

.

.

.

In camiun en il lieu stretg a Sta. Maria
Legenda: Il stretg a Sta. Maria Betg simpel da passar per camiuns. RTR/D. Spinnler

Insumma, camiuns ston manevrar bain per passar a Sta. Maria tras il lieu stretg.

.

.

.

.

.

.

Il traject stretg amez Sta. Maria senza autos.
Legenda: Il stretg a Sta. Maria L'entir traject stretg amez Sta. Maria. RTR/D. Spinnler

Il stretg a Sta. Maria, per ina giada senza traffic. Vid ils mirs ves'ins bain ils fastizs da quels ch'èn passads senza success.

Artitgels legids il pli savens