Siglir tar il cuntegn
cuntegn

Museum da la natira Seria 1: svanida e turnada - la nursa sursilvana

la davosa nursa da Tavetsch ha il pur da Vrin Ch. Solèr purtà a la meztga il onn 1902. Mo graztga al anteriur directur dal museum da la natira rivada a Cuira. Ma morta or è relativ:

Legenda: Guardar il video Nursa sursilvana. Durada 02:54 minutas.
Or da RTR dals 29.06.2015.
La nursa da Tavetsch, exponat dal museum da la natira, Cuira
Legenda: La nursa da Tavetsch, exponat dal museum da la natira, Cuira La nursa da Tavetsch, exponat dal museum da la natira, Cuira Museum da la natira

Ina da las davosas nursa da Tavetsch ha il pur da Vrin Ch. Solèr purtà a la meztga l’onn 1902. La nursa da Tavetsch è curt suenter morta or e mo grazia al anteriur directur dal museum da la natira è ella rivada a Cuira. Ma morta or e relativ: Purs en collavuraziun cun la Pro Specia Rara emprovan da trair enavos ina nursa che sumeglia la nursa da Tavetsch. Malgrà che la nursa è morta ora vegnan las caracteristicas ed il sang da las nursas veglias adina puspè a la surfatscha tar singuls animals. Sch’ins cruscha quels animals datti nursas ch’èn fitg damanaivel a la nursa da Tavetsch e quella numn’ins ‘la nursa sursilvana’. Era in pur sursilvan fa quai: Il pur da Schlans Silvio Pfister tschertga il sang vegl en las nursas indigenas ed emprova da cruschar enavos la nursa sursilvana.

Co ha Silvio Pfister udì da la rassa emblidada?

Legenda: Guardar il video Tavetsch pertge?. Durada 00:51 minutas.
Or da RTR dals 09.06.2015.

Blers onns han ils purs grischuns mo pli tratg la nursa alpina, la nursa normala. Co pia è Silvio Pfister, che maina in bain puril da 35 hectaras a Schlans ed ha sper las radund 100 nursas era ina gronda tratga da chavals, atgnamain vegnì attent sin la nursa da Tavetsch?

.

.

Era la nursa sursilvana ha ses avantatgs!

Legenda: Guardar il video ils avantatgs. Durada 00:49 minutas.
Or da RTR dals 09.06.2015.

La nursa sursilvana è pli leva che autras nursas e na dat betg tanta charn. Quai n’è dentant stà nagin motiv per Silvio Pfister da trair las nursas alvas che ils blers purs da nursas tiran.

Nursa da Tavetsch haja dà il num als Grischuns

Legenda: Guardar il video Ils grischs. Durada 00:25 minutas.
Or da RTR dals 09.06.2015.

Da las nursas da Tavetsch datti dal reminent era ina ditga: ella saja la culpa che il Grischun haja num Grischun.

.

.

.

.

Era autras razzas da niz periclitadas han survivì.

Legenda: Guardar il video Era autras razzas han survivì. Durada 09:08 minutas.
Or da RTR dals 09.06.2015.

Il medem sco Silvio Pfister fan dapi onns era auters purs, era els en collavuraziun cun la ProSpecieRara, numnadamain trair razzas da niz ch’eran prest gia mortas or. Ils exempels en Svizra èn: vatgas grischas, chauras cun chommas nairas ubain portgs pailus.