Siglir tar il cuntegn
cuntegn

Museum da la natira Seria 2: El sgola puspè - il tschess barbet

En il museum ha el ina lieur en las griflas. Mo en realitad maglia el mo ossa da capiergnas. Il preparat dal museum da la natira dal onn 1859 era vegnì preparà tenor la cardientscha blaua da lez temp, ch'il tschess barbet saja in rapinader. El era lura vegnì mazzà ora. Ma oz sgola el puspè.

Legenda: Guardar il video Tschess barbet. Durada 03:11 minutas.
Or da RTR dals 29.06.2015.

En il museum ha el ina lieur en las griflas. Mo en realitad maglia el mo ossa da capiergnas. Il preparat dal museum da la natira dal onn 1859 era vegnì preparà tenor la cardientscha blaua da lez temp, ch'il tschess barbet saja in rapinader. El era lura vegnì mazzà ora. Ma oz sgola el puspè. Dal reminent è el en buna cumpagnia: era il luf era vegnì mazzà ora - ed è puspè turnà. Era il luf-tscherver ed era il urs. Ed era il tschess barbet: el sgola puspè: ina istorgia dad in return:

Il tschess barbet tar il coiffeur...

Legenda: Guardar il video Marcar il tschess barbet. Durada 01:49 minutas.
Or da RTR dals 25.06.2015.

Avant che ir en libertad ston ils pitschens tschess barbets anc ir tras ina procedura plitost malempernaivla. Els vegnan marcads:

.

.

.

.

En libertad...

Legenda: Guardar il video En libertad. Durada 05:21 minutas.
Or da RTR dals 10.06.2015.

Ussa è Sempach, uschia ha el num, il giuven tschess barbet, marcà e pront per mitschar en la libertad. Cun sias plimas coluradas èsi era pussaivel dad enconuscher el cura ch’el sgola tras il tschiel. Mo anc na sa el betg sgular. Pir in trais emnas vegn el ad esser vegl avunda. Perquai portan ils gidanters si ils trais giuvens tschess barbets tar il gnieu ch’els han preparà ils davos dis. Qua l’entira reportascha:

.

Or da la crosa...

Co che Sempach, il pitschen tschess barbet dal parc d'animals da Goldau è vegnì or dal ov han ins pudì guardar sin ina webcam. Quest pitschen video mussa quant buns geniturs ch’ils tschess barbets èn. Tuts dus, mastgel e femna cuan ora ils ovs e guardan suenter dals pitschens.

Pertgè è il tschess barbet mort ora?

Legenda: Guardar il video Flurin Camenisch - pertgè mort ora?. Durada 00:33 minutas.
Or da RTR dals 10.06.2015.

Il tschess barbet è in animal che maglia mo ossa da capiergnas. El na fa betg chatscha sin animals, ed el na maglia nagins uffants pitschens. Pertge alura è el vegnì sajettà e mazzà ora? Flurin Camenisch manegia che quai haja da far bler cun il patratgar da lez temps.