Consequents n’èn ils medelins dentant betg. I dat adina puspè excepziuns, uschia ch’els san savens sez gnanc daco ch’els dian insatge uschia sco els dian quai.
In schatg dal dialect medelin
Sursilvan | Medelin |
---|---|
neu | no |
cheu | co |
leu | lo |
iev | év |
diesch | désch |
mei | mé |
buora | bura |
fuorn | furn |
tuos | tus |
cavegl | tgaveil |
carn | tgarn |
casa | tgasa |
Danunder ch’il medelin sco tal vegn na san ins er betg uschè exact. Probabel è quai ina maschaida tranter il sursilvan ed il dialect da la Val dal Blegn en il Tessin - la val che vegn colliada entras il Pass dal Lucmagn cun la Val Medel.