La bova en Val – in 1. d’avust ch’ins emblida mai

Sch’ins è a Trun u a Rabius e mira encunter il vitg da Surrein, alura dat franc era in crater sur il vitg da Surrein en egl.

La bova ch’ha bloccà la Val Sumvitg per in lung temp. Bild in Lightbox öffnen.

Legenda da maletgs: La bova ch’ha bloccà la Val Sumvitg per in lung temp. RTR, G. C. Candinas

In crater che resulta da la bova ch’è vegnida giu il 1. d’avust 1980. La bova ha interrut la via tranter Surrein e la Val Sumvitg.

Eugen Giger era cumandant da pumpiers cura che la bova è vegnida. El sa regorda anc bain da quest di. El saja gia stà en letg, cura ch’ins haja clamà el. Immediat haja el prendi ses auto e saja charrà en Val Sumvitg tar la bova. I ramplunava e savurava da zulper. Quai na saja natiralmain betg stà in bel mument.

E Marc Cathomas ch’è creschì si ed abita anc en Val, è per vegnì a savair la proxima damaun da la bova. El aveva numnadamain gì in pitschen accident ed era en ospital. Las dimensiuns haja el per vesì, cura ch’el saja turnà a chasa in pèr dis pli tard cun helicopter. Quai saja stà in maletg sco ord in film, di Marc Cathomas ch’era da lez temp in giuven da 12 onns.

Eugen Giger e Marc Cathomas sut il crater da la bova. Avrir maletg en lightbox.

Legenda da maletgs: Eugen Giger (sanester) e Marc Cathomas sut il crater da la bova. RTR, G. C. Candinas