La «Casa Gronda» tutga simplamain tar Surrein

Bajegiada è la «Casa Gronda» vegnida il 1814. La «Casa Gronda» è ina chasa pulit en il centrum da Surrein. Ina chasa per gronda part da lain cun barcuns verds. Tgi ch`è da Surrein enconuscha simplamain questa chasa.

I è numnadamain è in pau ina chasa speziala. Sin las emprimas 2 auzadas èn numnadamain las abitaziuns - tut en tut 4. E sin las proximas 2 auzadas sa chattan las chombras da durmir.

Ina chasa plain vita

En ils megliers temps abitavan passa 30 persunas en «Casa Gronda». Alfonsina Vincenz è naschida il 1940 ed ha abità en chasa fin il 1961. Durant si’uffanza sajan els stads varga 20 uffants. Quai eran natiralmain temps nua ch’i marschava, di Alfonsina Vincenz. Clar saja uschia era ch’i deva magari in pau charplina tranter ils uffants. Ma la fin finala era l’entira chasa sco ina gronda famiglia.

Ils temps sa midan

Daniela Bundi è naschida il 1962. Il temp cun 20 uffants en chasa haja ella mai enconuschì. Cura ch’ella era ina buoba abitavan anc 10 fin 11 persunas en «Casa Gronda»

Oz abitan anc 4 persunas en «Casa Gronda», numnadamain Daniela Bundi e sia famiglia. Suenter ch'ella saja stada davent in temp saja ella turnada il 2004 a Surrein, ed uschia en «Casa Gronda».