La Val Cristallina – In lieu idillic, però betg adina

La Val Cristallina è in dals bels lieus en la Val Medel. Ina val muntagnarda cun in flum, massa vatgas che pasculeschan e culms dretg e sanester.

Mintgatant èsi dentant pauc idillic en Val Cristallina, numnadamain cura che l’armada fa ensemen cun firmas da muniziun ils tests da muniziun - sco quest’emna. I vegn sajettà cun projectils gronds en Val Cristallina. E perquai dastga sa chapescha nagin ir da la val viaden.

Umens pensiunads guardan per la segirtad

Per procurar per la segirtad stattan umens pensiunads en differents lieus en la val e guardan che nagin va en lieus malsegirs. In dad els è Casper Bundi che stat a l’entrada da la val dasper ina barriera. Tuts n’hajan dentant betg chapientscha ch’els dastgan betg ir da la val viaden, ma el stoppia esser stricts, la finala giaja quai per la segirtad.