El ha discurri cun convischins davart differents lieus ed eveniments. Numnadamain davart:
- la gronda bova en Val l'emprim d’avust 1980
- il privel da bovas en general per Surrein
- la “Casa Gronda” che tutga simplamain tar Surrein
- originals e
- Craps e Bubretsch, dus lieus betg direct en il center da Surrein
Durant il discurrer cun ils abitants dal vitg ha Gian Carlo Candinas survegnì novas infurmaziuns ed impressiuns. Uschia n’è quai mai stà enconuschent ad el, ch’i stevan avant intgins decennis anc varga 30 persunas en Chasa Gronda. Si Craps, in mises sur il vitg da Surrein era Gian Carlo stà la davosa giada avant varga 10 onns, grazia a la seria da stad ha el uss puspè fatg il viadi si Craps ed uschia pudì giudair la bellezza survista sur Surrein e l’entira vischnanca da Sumvitg.