La psichiatria per uffants e giuvenils en il Grischun dovra dapli plaz. Ussa conceda il chantun daners per ina schliaziun provisorica. Maximalmain 329'000 francs metta la regenza a disposiziun per investir en ina staziun da letgs serrada per giuvenils a Cuira. Quella duai servir sco provisori, fin che la nova clinica per la psichiatria d'uffants e da giuvenils è pronta il 2025, scriva il chantun.
Per il provisori quintan ils Servetschs psichiatrics dal Grischun cun custs totals da bun 500'000 francs.