Siglir tar il cuntegn

Oceana en l'arena «Oceana en l'arena» - la missiun

In sguard giuven sin la politica a la sessiun ad Arosa. Era d'udir tar il Radio Rumantsch durant la sessiun (10:30).

Oceana Galmarini cun ses diari da la sessiun «extra muros» ad Arosa.
Legenda: Oceana Galmarini cun ses diari da la sessiun «extra muros» ad Arosa. RTR

Per esser sincera – enfin ussa n'hai jau betg gì da far bler cun politica. Betg che jau na m’interessass betg per la politica, ma cumplitgada è'la schon, ubain betg? E sin la emprima egliada era in pau lungurusa.

Ma insatge vegn bain ad esser cun quella politica? Perquai vegn jau 4 dis a la sessiun extra muros ad Arosa e scriv in diari sur da tut quai che jau passent.

Tge fan las deputadas ed ils deputads insumma? Da tge discutan quests tut il temp? Natiralmain na vuless jau betg manchentar, tge ch’ils deputads fan sper «l’arena». Tgi fa festa, baterla, dispita e sa divertescha cun tgi? Quatter dis, quatter texts e speranza almain quatter muments dad «aha» ed «oho».