Siglir tar il cuntegn
cuntegn

Setgira Adina dapli peschs moran en il Rain

Pervi da l’aua chauda dal Rain crappan adina dapli peschs. Las mesiras per impedir quai han fin uss pauc success. Quai ha communitgà il chantun Schaffusa.

Peschs morts en il Rain.
Legenda: L'onn 2003 era quasi l'entira populaziun da las litschalas morta ora en il Rain a Schaffusa. Keystone

Ils responsabels hajan gia instradà mesiras urgentas ed era mesiras per allontanar peschs morts. Cunzunt la litschala (Äsche) ch’ha gugent temperaturas fraidas ha fadia cura che l’aua ha temperaturas da passa 23 grads. Il mument ha il Rain a Schaffusa temperaturas da 24 fin 25 grads. La fin d’emna han ins gia rimnà enturn ina tonna peschs, conferma l’Uniun svizra per la pestga.

Zonas fraidas duajan dar levgiament als peschs

Gidar ils peschs pon sulet zonas pli fraidas, cunzunt nua ch’in aual sbucca en il Rain, uschia possia ils peschs chattar en talas auals in refugi en aua pli fraida, scrivan las autoritads. Gia il 2003, durant la stad da temperaturas da record, eri vegni en il Rain tar ina muria da peschs. Lura era quasi l’entira populaziun da las litschalas vegnida extirpada ora.

RR novitads 12:00