Siglir tar il cuntegn

Setgira Anc pli vast scumond da far fieus

En la gronda part dal Grischun vala in scumond da far fieu absolut. Excepziuns datti mo per singulas fuainas. Mo en l'Engiadin'Ota ed en Val Müstair èsi anc permess.

En l’Engiadin'Ota ed en Val Müstair è il privel d'incendis anc considerabel. Perquai laschan las vischnancas vinavant far fieu, igl è dentant da dar grond quità. En il rest dal chantun è il privel memia grond. Damai han las vischnancas decidì in scumond absolut.

Singulas excepziuns

En quatter vischnancas datti anc singulas fuainas nua ch'igl è lubì da far fieu. Quai ad Andeer, Sursaissa Mundaun, Tumein e Samignun. Tar tge fuainas ch'igl è anc lubì da far fieu, stat scrit en il fegl uffizial u tar la vischnanca. Era tar questas fuainas vala dentant da dar grond adatg.

Carta dal privel da fieu en il Grischun.
Legenda: Mo anc en paucas regiuns dal Grischun è il privel mo sin il stgalim considerabel. MAD, UFFIZI DA GUAUD E PRIVELS DA NATIRA

RR novitads 17:00