Siglir tar il cuntegn
cuntegn

Setgira Chalira ha influenza sin il chaschiel

Cun las temperaturas autas vegn era il tschaler da chaschiel pli chaud. Uschia vegn el pli svelt madir. Dentant betg tut las alps avevan da cumbatter medem ferm.

Legenda: Guardar il video Chalira ha influenza sin il chaschiel. Durada 03:09 minutas.
Or da Telesguard dals 20.09.2018.

Cun quai che las temperaturas eran era sin las alps fitg autas na pativan mo ils pasters ed ils animals. Era en il tschaler da chaschiel vegni pli chaud. Uschè madira il chaschiel pli spert. Cun quel problem cumbattevan ils pasturs en bunamain tut il chantun.

iaTscherts signuns pudevan dentant sfradar il tschaler cun aua u era cun glatsch. Quai munta dentant ina pluna lavur. En l'alp Strüfis a Maiavilla stueva il signun bunamain tut il temp controllar il sfradament, di il schef da l'alp Alfons Zindel. Cun la mancanza d'aua era quai lura anc pli difficil.

Val dal Rain pertutgà ferm

Tenor Töni Guyan, responsabel per las alps al Plantahof, n'eran il problems betg dapertut medem ferm. En l'Engiadina e la regiun Spleia era la stagiun anc pli u main normala. Dapli da cumbatter avevan ils alps en la Val dal Rain ed en il signuradi.

Sche la setgira e la chalira ha era ina influenza sin quant bler chaschiel che las alps han producì, na sa Töni Guyan anc betg dir. Era valitar la qualitad saja il mument grev, di el.

RR Actualitad 17:00