Siglir tar il cuntegn
cuntegn

Setgira Glion sto spargnar aua

La vischnanca appellescha a la populaziun da spargnar aua nua pussaivel.

Legenda: Guardar il video Glion sto spargnar aua – Tge vul quai dir concret?. Durada 02:09 minutas.
Or da sil punct dals 02.08.2018.

La setgira ha influenzas sin il provediment d'aua da la vischnanca da Glion. Sco quai che la vischnanca scriva, saja il diever d'aua s'augmentà massivamain l'ultim temp. Per garantir il provediment d'aua a lunga vista, stoppia il diever vegnir limità.

La vischnanca da Glion appellescha la populaziun da spargnar aua nua che pussaivel. Ma per il bogn ha quai dentant cunfins, sch'el vul restar avert. Er ils proxims dis n'èsi betg da quintar cun plievgia.

Glion appellescha a la populaziun da desister da sauar pastgets ed ierts. Er na duai ins betg emplenir pools e bigls privats. Ed ins na duai er betg sprizzar giu plazzas avant chasa; lavar autos e maschinas saja d'evitar.

Cura che la plievgia manca ...

Cura che la plievgia manca ...

Qua chattais tut davart la setgira en il Grischun.

RR novitads 12:00