Siglir tar il cuntegn
Inhalt

Setgira La plievgia manca dapi il zercladur

En tscherts lieus grischuns hai pluvì bunamain quatter giadas pli pauc cumpareglià cun il medem temp da l'onn passà. Quai demussan cifras dad SRF Meteo.

Grafica da precipitaziuns.
Legenda: Dapertut en il Grischun èn las precipitaziuns dals davos mais lunsch davent da la media normala. Grafica RTR

Enfin uss è quai stà la quart sitga stad dapi las mesiraziuns tenor SRF Meteo. Ed ella saja schizunt stada pli sitga che la stad 2003. Il matg 2018 saja quai anc ì. Lura haja quai pluvì en media circa in terz pli pauc.

La setgira ha cumenzà il fanadur

Sch'ins prendia l'exempel da Cuira sche san ins sin basa da las cifras dir ch'i ha ils davos dus mais pluvì bunamain quatter giadas pli pauc quest onn. Ma er en autras regiuns na vesa quai betg or meglier. A Scuol per exempel hai ils davos dus mai be dà 80 millimeters plievgia, sco las cifras da SRF Meteo mussan.

In dals lieus ils pli sitgs è Tusaun. Ils davos trais mais hai a Tusaun dà la plievgia ch'i dat uschiglio aifer in mais.

Cura che la plievgia manca ...

Cura che la plievgia manca ...

Qua chattais tut davart la setgira en il Grischun.

RR novitads 12:00