Siglir tar il cuntegn
cuntegn

Setgira Malgrà il scumond abosolut vegni fatg fieu

Al Pass dal Lucmagn èsi vegnì dumbrà ils ultims dis da quai da 250 fieus en il liber, quai malgrà il scumond absolut da far fieu en il liber.

Placat che scumonda da far fieu en il liber.
Legenda: Pervia da la setgira han plirs chantuns ordinà in scumond absolut da fieu en il liber - tranter quels er il Grischun ed il Tessin. Keystone

Cunzunt da la vart tessinaisa, sin il plaun da Casaccia vegnia cuntrafatg al scumond, ha ditg Christian Bernasconi dal Center Pro Natura da Acquacalda al radio tessinais RSI.

Il Tessin è stà in dals emprims chantuns, ch'ha scumandà il far fieu absolut en il liber pervia dal privel d'incendis da guaud. Entant vala il cumond er en tschertas parts dal Grischun, il Vallais, Lucerna, Sviz e Zug.

Tgi che na sa tegna betg vi dal scumond, sto far quint cun in chasti da fin 20'000 francs.

RR novitads 06:00